Kuvendi që solli emocione të veçanta gjatë takimit për zgjedhjen e strukturës së re të Lobit në Norvegji
🇧🇻 Lobi Euro-Atlantik Shqiptar, pas kuvendeve të degëve në Greqi dhe Zvicër, mbajti kuvendin e dytë zgjedhor edhe në Norvegji.
I organizuar me platformën online ZOOM, pjesë e takimit ishin; inicuesi për themelimin e degës së Lobit Euro-Atlantik Shqiptar për Gjermani, Kemail Shaqiri, bashkëatdhetari nga Karakurt-Ukrainë, Aleksander Lekhov, kryetari i SH.K.H, Fehmi Agani në Norvegji, Besnik Ramadani, Radio Rilindja nga Oslo, Alush Balichi, Petrit Alijaj përfaqësues i degës-Itali, përfaqësues të degës –Greqi, Petrit Selmani, Majlinda Roka, përfaqësues të degës në Zvicër, Sutki Hulaj dhe Ilias Mustafi, prof. Elvis Duro, dr. Gazmend Berisha, kontribuuesi i Lobit Euro-Atlantik Shqiptar nga Suedia, L iridon Sefaj, e të tjerë.
Kuvendi rrjedhi sipas agjendës në sistemin online ZOOM.
Mysafiri që i japi një ndjesi shumë të veçantë takimit, ishte shqiptari nga Karakurt-Ukrainë, Aleksander Lekhov.
Rrefimi i Lekhov rreth historikut të identitetit, dëshires së flakët tij për të ruajtur vlerat dhe kulturën e shqiptarëve në Ukrainë dhe kënga e shprehur nga thellësia e zemrës tij “Moj Shqipëri moj nëna ime”, ishin aresyet që bënë me lot shumicën e pjesmarrësve.
Aleksander Lekhov pranoi që të bëhet pjesë e Bordit Drejtues të Lobit Euro-Atlantik Shqiptar në Norvegji dhe u premtua për bashkëpunim dhe zgjerim të Lobit Shqiptar edhe në Ukrainë.
I tërë procesi u incizua dhe do bëhët publik së shpejti.
Në Kuvend u shpalos raporti punës pesë vjeçare, raporti financiar, vizioni, qëllimi, strategjia dhe plani i punës per katër vitet e ardhshme.
Një dokumentacion i tillë ishte derguar tek asamblistët tri javë para datës së mbajtjes së Kuvendit.
Në këtë Kuvend, me dy mungesa dhe një abstenim, u votua për kryetar, Fehmi Bekteshi.
Bekteshi njihet si aktivist nga viti 1992, ka qenë aktiv në mësim plotësues për fëmijët shqiptarë, kryetar i shoqatës Kulturore《Jæren》 njëri ndër themeluesit e shoqatës《ALBNOR》për Rogaland, organizator i shumë turnirëve futbolli dhe mbrëmjeve festive me qëllime të përfitimeve të ndihmave humanitare në vendlindjen, aktivist në Lobin Euro-Atlantik Shqiptar, i cili ishte edhe asamblist në Asamblenë e përgjithshme në Greqi.
Bekteshi, është i martuar, baba i katër fëmijëve.
Përkundër që menaxhon biznesin e tij familjar, premtoi se do gjëjë kohën e duhur edhe për obligimet kombëtare që peshojnë mbi supe secilin aktivist të ndërgjegjshëm.
Kryetari i deritanishëm Xhafer Ahmetaj kishte paralajmëruar mos kandidaturën e tij kohë më parë. Kjo për arsye të distancës së lartë gjeografike nga qytetet ku banojnë shumica shqiptare në Norvegji.
Ahmetaj u çmua lartë nga asamblistët dhe mysafirët për kontributin e tij që nga përfaqësimi i tij në Kuvendin Iniciues të 20.02.2016, si kryesuesi i celulës organizative për Norvegji me emër Lobi Euro-Atlantik Shqiptar.
Një emër dhe frymë organizative që u votua në Kuvendin Iniciues në Gjermani më 20.02.16.
Tutje u zgjodh edhe kryesia dhe pesë asamblistët që do marrin pjesë në Asamblenë e përgjithshme në Greqi në muajin maj, nese kushtet e lejojnë këtë për arsye të Covid-19.
Përfaqësuesi i Sh.H., Fehmi Agani, Bradnik Ramadani, ai i Rilindjes në Oslo, Alush Balichi dhe dr. Gazmend Berisha nga Oslo premtuan për bashkëpunim të ngushtë me Lobin Euro-Atlantik Shqiptar.
Dr. Gazmend Berisha pranoi rolin e zëvendës asamblistit për Asamblenë Zgjedhore në Greqi dhe premtoi bashkëpunim të sinqertë për çështje kombëtare dhe profesionale.
Çdo gjë rrjedhi me frymën pozitive dhe demokratike duke u shoqëruar kohë pas kohe me këngë dhe mesazhe të fuqishme.
Dega e Lobit Euro-Atlantik Shqiptar në Norvegji do vazhdojë rrugëtimin e tij me objektiva prioritare, si:
▪︎Rrjetizim dhe lidhje bashkëpunimi me shoqata ku mungon kjo;
▪︎Mbrojtjen e vlerave tona kombëtare me fokus organizimin e gjuhës shqipe;
▪︎Ngritjen e vullnetarizmit duke u bazuar në strategjinë që ka shteti Norvegjez;
▪︎Strukturimin e organizatës duke ndarë punën permjes 7 departamenteve që parashikon Platforma;
▪︎Zbatueshmërinë e planit të veprimit;
Bordi Lobit Euro-Atlantik Shqiptar, dega në Norvegji falenderon përzemërsisht mysafirët në këtë takim të rëndësishëm, asamblistët dhe Komisionin Zgjedhor i cili bëri një punë të mrekullueshme që procesi të rrjedh mbarë në çdo Kuvend zgjedhor deri më tani.
Po ashtu, falenderim edhe për dy degët si motra (Zvicër dhe Greqi), që ishin prezent në Kuvend, presidentja e Lobit Brikena Qama, përfaqësuesja e Ambasadës së Republikës së Kosovës në Oslo, Blerta Rukoli, Daut Haxhaj, Sutki Hulaj si dhe Petrit Aliaj nga Italia, i cili shprehi gadishmërinë përkonstituimin e degës së Lobit në Itali.